De Boulevard d'Avranches ass eng Strooss am Garer Quartier vun der Stad Lëtzebuerg a verleeft als Verlängerung vum Boulevard de la Pétrusse vun der Aler Avenue un a Richtung Osten bis bei d'Rue du Laboratoire. D'Strooss ass no der franséischer Stad Avranches benannt, well et do den alliéierten Truppe bei der Operatioun Cobra ënner dem Kommando vun de Genereel Patton a Bradley, Enn Juli 1944, gelonge war déi däitsch Linnen ze duerchbriechen, wat méi spéit zur Liberatioun vu Lëtzebuerg mat bäigedroen huet. D'Strooss huet fréier Boulevard de l'Alzette geheescht, ier se 1947 den haitegen Numm krut. Ënner der däitscher Besatzung (1940 - 1944) war se an „Moselstraße” ëmgenannt ginn. Op der ganzer Längt gehéiert de Boulevard d'Avranches zur Nationalstrooss 2.